كلماتى من أجل مصر وفى حب مصر
كما هى خرجت منى بدون ترتيب أو تشكيل
فتقبولوها كما هى بتلقائيتها
وشكرا لكم
>>>>>>>>
حبيبتى يا أغلى كمان من حبيبتى
بحبك ياغالية
يا أغلى حاجة عندى
وأحلى من أسمى وأغلى من نفسى
يامحروسة دايما
يا أم الدنياَ
يامصــــــــر
مفيش زيك فى قلبى
ده انتى وطنى الحبيب
بخاف عليكى ياأمى
حتى من نفسى
وبغيرعليكى يا مصر
لما حد يحبك أكتر منى
يا أغلى مافى حياتى
ده قلبى فداكى
وعمرى فداكى
ودمى يابلدى فداكى
بكيتك بحسرة
فى ظل الظروف
بكيت من اللى حاصل
يا أجمل حبيبة
حرايق>>ودمار>> حصار
وكأن رجعوا لنا التتار
حروب دى ولا إنهيار
بلدى بتسقط وأحنا بنتفرج
يابلدى الجميله ايه اللى اصابك
رئيسك متبت بأيده وساكت
وشعبك ده غاضب وثاير وباغض
وعاوز يغير
صعبتى عليا لما شوفت حرايقك
دمار بيلاحقنا
خراب فى طريقنا
فين العروبة فين الأمان
فينك يا أهل مصر ياحبايب مصر
نموت أحنا فيكى نبوس فى ايديكى
ولا نشوف يوم دمارك وحريقك
يابلدى فى جمالك كتبت اشعارى
ودلوقتى قلبى بينكوى بنارك
يا اغلى حبايبى
يا ست البلاد
يا أحلى الحبايب وست الأمهات
هنبكى لغايه ماترجعى لنا تانى
بحبك بشدة يا أمى وأختى
يا أم الدنيا يابلدى الجميله
حبيبك يصونك
عدوك يضرك
وأحنا فداكى يابلدى الحبيبة
ونفدى ترابك بكل محتوانا
لكل مخرب قطف ورده منك
نقولة ان شعبك هينتقم لأرضك
لكل من اساء لكى يامصرنا
هنقطع رقبتة وسهل علينا
يابلد الأمان وبلد الجمال
بنحلف بربى ان حبك فى قلبى ملوش مثيل
بحبك يابلدى اكتر من أبنى
وكلى فداكى انا كل ملكى
لأجل ان بلدى تظل جميله وأم البلاد
نشيلك فى قلوبنا وجوه عيوننا
دى بلدى جميله وست البلاد
ومش مستاهله منا نبيعك بالتراب
يارب يابلدى يحرصك ويصونك
ولا مره نسمع بألمك وخرابك
تظلى يابلدى ست البلاد
يا أمل النيل ياطاهرة
موضوع: كلمات فى حب مصر 
الأربعاء مايو 25, 2011 9:56 am
