قالت علامك يالغلا مـا تبينـي
قلت السبب واضح ولا نّيب بجهال
لا تقول مالك في حياتي وزينـي
ترى الكذب حبله قصيرٍ ولو طال
اهديت لك عمري وقلبي وعينـي
ارخصتهم ورخيت سمعك للانذال
ياما سقيتك من هواي وحنينـي
وجاوبك قلبي يوم لبيت في الحال
ياما سهرت الليل انتظر تجينـي
والليل عدا ما تبين لـك اهـلال
وياما شعاع الشمس حرّق جبيني
لا ضمني فيّك ولا حولك اظـلال
سيف الغدر ياصاح حده سنينـي
جرحه خطير لا جرح حيل قتّـال
واليوم بانت لي خوافي سنينـي
غدرٍ ستره الوقت بين بالافعـال
دربك شمال ودرب خلك يمينـي
مانلتقي لا تحاول اليوم تحتـال
بعزف لك اشعارٍ لَحنْها حزينـي
ابياتها تغنيك عـن كـل مـوال
وليا سألك القلب عنـي يبينـي
قله حبيبك من فعايلـك مهتـال
دور بدالي منـت ملـزوم فينـي
دور وتلقى في البشر غيري ابدال
موضوع: قالت علامك يالغلا 
الأربعاء يونيو 08, 2011 2:49 pm
