الضيقه اللي بالمساء وتالي عصير ياعونت الله بكل لحضه تجيني
زودن على الضيقه بليا دنانير يلعبي التفكير من كثر دييني
صرنا نحسب للقضى والمسايير اليابغيت الطيب تقصر يديني
الوقت قاسي والليالي مدابير والحض شن الحرب بينه وبيني
والمشكله مامن رجال(ن )مناعير كل(ن) يروغ ليابغيت العويني
والصدمه اللي من قريبك ترى غير مثل الجمر لاطاح بالراحتيني
دامه يحدك لردى و المعاسير العيد في فرقى هذاك الجبيني
ماهو مثل حاتم ولا سالم الزير هذا على امخاواه لايحتريني
واللي على الجزله يسوق التباشير هذا مقامه فوق راسي وعيني
والمشكله فرقى زعيم الغنادير اللي هواها بالضماير دفيني
ماهو غلا ليلا ولاهو هوا جبير غلا وفزعه واحترام وحنيني
والمشكله جو الحفر والمعاصير ماحولك اللي يعجب الناضريني
الارض غبرا ماتشوف النواوير هذي تراها تعتبر ضيقتيني
هموم قلبي ورد ولا مصادير تقول بقعى بالحضن تحتويني
ولولاي ادله خاطري بالمشاوير واسج واغني لحون الهجيني
كان التفت لناس ماتعرف الخير ماهمها غير الحكي وتهجيني
لقفيت حشوني سوات المناشر ولقبلت قالولي هلا ياضنيني
لاشك مؤمن بالقضى والمقادير واركع ل ربي بالخفى ركعتيني
يالله بأمانك من جميع المخاسير يامن لوجهك كل خافي يبيني
بأمرك يسير العبد ويغرد االطير و يارب عدلها علينا ابزيني
يالله سامحني على كل تقصير واجمعني بالجنه معا واللديني
موضوع: |~الضيقة~| 
الجمعة يوليو 06, 2012 2:32 pm
