( ياليتنــــي ماعشقـــتك ) ..
....
جرّحت لي خافقي من يوم حبيتك
ياليتني ماعشقتك[ والهوى ذمّه ]
ادري عطيك غلا ياليت مَـ عطيتك
وادري بأن العطاء مثل العطر شمّه
اتبعثر بكل كلمه لاتهجـــيتك
يا اصْعب حكي في حياتي[ فرحته غمّه]
اجيك والشوق ذابحني اذا جيتك
اصبح في عذب الغلا وامسي على سمّه
ودّي لو اني بودّي كان خبيتك
وسط العروق وعليك الروح ملتمّه
ما الومها عروق قلبي يوم عزيتك
قلبٍ(ن) فقير وعطاه الله من يمّه
لو انت فرضٍ(ن) عليه كان أديتك
واصير لك شيخ دين ومجلس الامه
اغار لامن رأوك الناس في بيتك
واطيش لامن رميت البشت من كمّه
الله على اول الى مني تقهويتك
ترهي علي لين نوصل منتهى القمّه
سكّرت لي هاتفك من عقب ما اهديتك
بسمات يومي وضحكاته على فمّه
ما غير ماســـك بجوالي من اقفيتك
اطالع بصورتك والوضع ماهمّه!!
ضمّيت فيك الحزن وان زاد ضميتك
والحين بعد الهجر دور على الضمّه!!
اسوأ شعور بغرامك لاتناسيتك
ثم عاتب الجرحْ [جرحٍ(ن) من بني عمّه]
روح وتذكر بأني يوم سـميتك
اغلى حبيــــبٍ(ن)جرى دمــــي على دمّه
خلاص ماعدت احبك لو تضاميتك
اموت عطشان مادام الهوى ذمّه
موضوع: ( ياليتنــــي ماعشقـــتك ) 
الأحد يونيو 26, 2011 8:32 pm
