لاصرت بايعنـــــــي أشوفك ع خير،،
مع الســلامه دام مابه ســـلامه،،
قلت أنتهيـــــناقلتلك خير ياطيــــر،،
مانيب أول شخص يخسر غرامــــــه،،
محذرك من قبلها ألف تحذيـــــــر،،
لاعفتني بيعف قلبي هيامــــــــه،،
مانيب ميت لا ولا أحتاج تبريـــــــر،،
صح الله لسانك ووفر كلامــــــــه،،
بأسمعك حبكه وفكره وتصويـــــــر،،
وأفهم عدل يامدعي بالفهامــــــــه،،،
وجه الشعرأبيض ويحتاج تغييــــــر،،
ودي تزين هالقصيده علامـــــــــه،،
ماضيك الأسود بذكره دون تقصيــــــر،،
كذا يكون بخد هالشعر شامــــــه،،،
يصدق معي تعبير ويخون تعبيــــــــر،،،
ياضيعةالشاعر بوقت إنسجامــــــــه،،
يمكن خطأ أدونك بالشعر ميــــــــــــر،،
لو ما أحترمتك للغرام أحترامـــــــــه،،
ماكان حبك غير بس طعنتك غيـــــــــر،،
علمتني معنى الندم والندامــــــــــه،،
ماجاك مني إي زله وتقصيــــــــر،،،
كل ماخطيت أعاتبك بإبتسامـــــــه،،،
حسبي على الذكرى إذا هبت عصيــــــــر،،،
ماعاد تنفع شرهتي والملامــــــه،،،
البال ضامي وقتها والحزن بيــــــــر،،
خسرتك وهمي كسبت إهتمامـــــــه،،،
والليل فازعلك كذا جاني مغيـــــــــر،،
ظلمتني وأكثر ظلمني ظلامـــــــه،،،
لاأقبل علي أوحيت صوت المساييــــــر،،
وفزيت كل ضيفن أقوم بمقامــــــــه،،
وأليا عزم هالليل ضيقة وتفكيــــــــر،،
قلي بربك كيف بقدر أنامـــــــــه،،
مافيه داعي للعتب والمعاذيـــــــــر،،
الغدرخال الجرح وأطيب عمامـــــــه،،
إما يجيب الله مطرتالي وخيــــــر،،
وإلا السلامه ماش مامن سلامــــــــه،،،