طفولة معاق ...

موضوع: طفولة معاق ... السبت مايو 28, 2011 9:42 am

بســـــم اللـــه الرحمن الرحيـــــم
الســلام عليكــــم ورحمـــة الله وبركاتـــه

أحيانا
يشعر الواحد منا وهو بكامل صحته وعافيته لمجرد ظرف بسيط مر عليه بحياته ان
الدنيا اسودت بعينه وفقد الأمل وكره الحياة وحتى لو كان ظرفه سخيف وتافه
ومايستاهل كل هالمبالغه بالإحساس ... فشلون عاد لو كان طفل معوق يشوف الناس
قدامه تروح وتجي وتمارس حياتها بشكل طبيعي وهو مايقدر يسوي زيهم لأنه
عاجز ..هالطفل كبر وصار يفكر بهم الوظيفه والزواج لكن الهم الكبير هو نظرة
الشفقه أو العطف أو حتى السخريه من عجزه بكل مكان يروحله ومع هذا كله
هالطفل يجدد العهد ويقسم لبلاده انه مهما كان تسميته بعاجز أو معوق فراح
يحميها ويدافع عنها دام فيه اصبع يطول الزناد .. إليكم هذه الخاطرة المبكيه
والجميله جدا ...

الطفوله ..

أحلى مافي هالحياه
مرحله من غير هم
كنّا دايم نبتسم
كنّا حتى لو بكينا ... وجارت الدنياعلينا
بعد لحظات وثواني ...
بسمه فينا ترتسم
كنّا نركض
خلف كوره ... ( لا لا أنا ماكنت معهم؟)
وحدي بس بعيد عنهم ... كنت أنا أضحك عليهم ...
جالس لحالي أهذري... جالس أحسب كم كوبري...
صلّحه( أحمد) في ( ماجد) ؟؟
والله واجد!!
وقبل ما يحل الظلام ...
للبيوت نروح نجري ... ( لا لاأنا ماكنت معهم ! )
أمشي وحدي بعيد عنهم ... أمشي وأعدد أثرهم !
وهم عني يبعدون ...
يبعدون ... يبعدون ...
إلا( ماجد)!
كان مثلي حيل ضايق ...
بس حزني كان حارق
كان يسألني فبراءه : ...
ليش تعرج ؟ ... قلت مدري ! - باستياء -
ليش تبكي ؟ قلت مبكي - بكبرياء -
ضاق مني ...
ثم سألني في غباء ...
قال ( وثرايك نتثابق )؟
وراح عنّي ... !!
كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش
بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله...
كل شيٍ أجهله ؟
وإن تعبت من الإجابه...
أحظن الحيره وأنام .
مرّت سنين وكبرت ...
صار همّي اليوم أكبر
حتى دمعى صار اكتر
للأسف توي قدرت ...
أفهم إني شخص ( عاجز )!
يعني بيني وبينكم
مليون حاجز !!!
صدقوني ذي حقيقه ...
لا طلعت السوق ... كل ما أمشي دقيقه
القى كل شوي أبله !
يمشي ويناظر صديقه ...
ويغمز له
يقول : ناظر...!
وش يناظر ؟؟
وتتفجّر في خفوقي
ألف ضيقه
ووحده في وسط الزحام ....
طالعتني باهتمام ...
بنت في عمر الزهور ... أي رشاقه ... وأي أناقه ...
وأي عطور !!
قلت في نفسي ياهووووه
هي تناظرني بغرام ؟ أوهي نظره والسلام؟
بس أكيد إنها تعرفني ... شايفتني ؟
شايفتني في جريده؟
واعجبتها لي قصيده ؟
إيييييه أنا توي افتكرت
...
لي قصيده ...
كنت ناشر معها صوره
بس صوره ... ياسلااااا م
وفاجأتني ...
لمّاصارت لي قريبه ... كانت اتمتم بطيبه
( يكسر الخاطر حرااااام ) !!!!!
وتركت دمعه غريبه ...
وضاعت بوسط الزحام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظات وأقسى
لاغدا الرجّال يكسر ... خاطر انثى
كيف ينسى ؟؟؟
جاوبوني !
وزاد همّي ...
يوم فكّرت بوظيفه ... ثم زواج
أي وظيفه ... وأي زواج ؟؟
اللي مثلي ...
مهما طالب ... لويلف ولو يدور
زين لوحطّوه كاتب
لا
... وعلى بند الأجور ....
ماهو رسمي !!!
صدقوني لو تدرّج ... وصار راتبه ايتصاعد
وابتدا وضعه يزين
ما أظنه بيتزوّج ... حتى لو بعد التقاعد
>>!
>>وفي النهايه ...
يابلدنا... مهما كانت( تسميتنا)
عاجزين ...(معوّقين)
لك عهدنا... وذا قسمنا :
>>
أقسم بالله العظيم ... منزل الذكر
الحكيم
أن أصونك يابلادي ... من شرور العابثين
من مطامع كل حاسد ... من نوايا كل فاسد
وإني لك حصنٍ حصين
إنتي ناديني وشوفي ... لا نويتي بالجهاد
والله أقهر لك ظروفي ... دامك إنتي لي بلاد
وبإسم كل العاجزين ...
دام فيناأصبع يطول الزناد
لا يهمّك يابلادي ...
وازهليها ...

===============

وبإسم
كل العاجزين .. بكل مكان بالعالم .. نقولهم : أنتم تاج على روسنا وكلنا
نفخر فيكم لأن عظماء العالم كانوا من العاجزين والمعوقين ومع هذا أبدعوا في
اختراعات للبشريه عجز عنها ناس أسوياء غير معوقين.. والإعاقه والعجز مو
بالجسم .. كم من واحد سليم ويعجبك زوله وعقله معوق .. وكم من عاجز معوق ..
ماتنظر لإعاقته لأنك تحترم عقله .

تحيـــــــــــاتي الرقيقه لكم ...
وبانتظار مروركم اللي مانستغنى عنه .......

(( منقــــــــــــــــــــــــــــــــــول )) .

شكرا على الموضوع الرائع

[ندعوك للتسجيل في المنتدى أو التعريف بنفسك لمعاينة هذه الصورة]